ბათუმი – სწრაფად მზარდი სანაპირო ქალაქი, რომელიც აღაფრთოვანებს ვიზიტორებს თავისი თანამედროვე ინფრასტრუქტურით, სანაპიროს ხედებით, გამორჩეული რესტორნებითა და მრავალფეროვანი კულტურული ღონისძიებებით. ბათუმი ასევე არის ერთ-ერთი ყველაზე პერსპექტიული ადგილი უძრავ ქონებაში ინვესტირებისთვის საქართველოში, სადაც ზღვისპირა პროექტებს განსაკუთრებული უპირატესობა ენიჭება.

2023 წელს აჭარაში ტურიზმმა განსაკუთრებული ზრდა განიცადა. რეგიონში ვიზიტების საერთო რაოდენობამ პირველად მიაღწია 4.3 მილიონს, რაც 2022 წელთან შედარებით 25.3%-ით გაზრდილია. ტურიზმის შემოსავლებმაც ასევე 3.3 მილიარდ დოლარამდე მოიმატა, რაც წინა წელთან შედარებით 30%-იანი ზრდაა. რეგიონი ასევე გამოირჩევა მთიანი აჭარით, სადაც ვიზიტების 20%-იანი ზრდა ფიქსირდება, რაც კიდევ უფრო ზრდის ბათუმის მიმზიდველობას როგორც ტურისტებისთვის, ასევე ინვესტორებისთვის.